- Басты бет »
- Косметология »
- Плазмаферез - ағзаны уытсыздандыру процедурасы
Плазмаферез - ағзаны уытсыздандыру процедурасы
Қазіргі өмір жағдайында адамдар үнемі денсаулығына қолайсыз сыртқы факторлардың әсеріне тап болады - ішкі мүшелердің жұмысы бұзылады, жүйке жүйесі зардап шегеді, адам ашуланшақ, күйгелек болады, денсаулығына байланысты проблемалар мазалайды. Мұның бәрі ауаның ластануына, ондағы қауіпті элементтердің, қождардың болуына, генетикалық түрлендірілген өнімдерді тұтынуға және, әрине, адамның теріс өмір салтына байланысты. Жалпы әл-ауқаттың нашарлауымен, әртүрлі аурулардың дамуымен қатар, қанмен байланысты проблемалардың пайда болуын атап өтуге болады. Оларды мамандардан қаралу және тиісті талдауларды тапсыру арқылы анықтайды.
Бұл мәселені шешу үшін заманауи медицина плазмаферез сияқты процедураны ұсына алады. Ол тиімділігі мен нәтижелілігімен ерекшеленеді, күннен күнге неғұрлым танымал болып келеді, сұранысқа ие.
Плазмаферез - қанды токсиндер мен қождардан тазартуға бағытталған қауіпсіз процедура. Процедураның мәні қанды арнайы жарғақты сүзгі арқылы өткізу болып табылады. Бұл үдерісте барлық қауіпті заттары бар қан плазмасының бөлінуі жүреді. Олар жойылады, қан тазартылады, емделушінің денсаулығы мен жалпы жағдайы жақсарады.
Плазмаферез процедурасы ағза токсиндердің шығарылуын өздігінен жеңе алмайтын жағдайда тағайындалады. Мысалы, бауырдың немесе бүйректің дұрыс жұмыс істемеуі байқалады немесе қанда әдеттегі жолмен шыға алмайтын улы заттар болады.
Плазмаферез жүргізуге арналған көрсетімдер:
- Гиперхолестеринемия – тамырлы қабырғаларда майлы бітелулер - атеросклеротикалық түйіншектер пайда болатын жағдай. Мұндай проблема тамыр қабырғаларының қалыңдауына және тығыздалуына әкеледі, қан тамырлар арқылы ауыр қозғалады, қан айналымы бұзылады. Плазмаферездің көмегімен бұл түйіншектердің пайда болу қаупі азаяды;
- Бронх демікпесі - бронхтың бітелуінен туындаған тұншығу, жөтел, шырышты қабықтың ісінуі, спазммен бірге жүретін ауру. Ауру инфекциялық емес аллергиялық созылмалы сипатқа ие және тыныс алудың бұзылуына әкеледі. Плазмаферез арқылы аллергиялық реакциялардың дамуына қатысатын және тұншығу ұстамаларына әкелетін өзгерген иммундық ақуыздарды қаннан шығаруға болады;
- Гепатит, панкреатит, холецистит – бауыр, ұйқы безі және өт қабының жұмысы бұзылатын аурулар. Плазмаферез жоғарыда аталған мүшелердің дұрыс жұмыс істемеуінен пайда болатын гепатит вирустары мен токсиндерді қаннан шығаруға мүмкіндік береді;
- Псориаз, токсикодермия, аллергиялық дерматит. Сонымен қатар плазмаферез осы жағдайларда аллергиялық және тері генезінің ауруларын тудыратын патогендік құрам бөліктерден қанды тазартуға көмектеседі;
- Абстиненция - алкогольдік немесе есірткілік масаю салдарынан улану. Плазмаферез кезінде қан алкоголь мен есірткінің улы токсиндерінен тазартылады.
- Жоғарыда аталған аурулардан басқа, плазмаферез аллергияны емдеуде, ағзаның дәнекер тінінің бұзылуында, иммундық қақтығыс жағдайларының көріністерінде, семіздік пен бедеулік проблемаларын жоюда тиімді.
